You are here:CategoriesNkhani Zam'maboma
22
May

18/05/19

Written by
Published in Nkhani Zam'maboma
Read 1195 times

Mtsikana wina kwa M’biza m’boma la Zomba amuthidzimula moleketsa kaamba kaukazitape. Nkhaniyi yati mtsikanayi yemwe ali n’chizolowezi choyambanitsa anthu anapita kwa mayi wina mmudzi mwawomo n’kukamuuza kuti waona mwamuna wa mayiyo akupatsa ndalama mtsikana wina osakwatiwa wammudzi momomwe. Poti amamudziwa bwino zakhalidwe lake,mwini mwamuna uja sanatekeseke koma kumvetsera mwachidwi chabodza poti mwamuna wokambidwayo n’kuti atapita mu mzinda wina wakutali kwambiri kukagwira ntchito.Atamaliza kufotokoza nkhani yopekayo mtsikana uja anadabwa kuti mwini mwamunayo sakufunsa komwe angapeze anthu onamiziridwawa koma m’malo mwake anazungulira kuseri n’kukaitana aneba ake.Aneba aja atafika, mtsikana wamlomo wopotokayo anayambanso kuyala nkhani ija ndipo izi zinakwiitsa kwambiri mwini mwamuna uja yemwe sanachedwe koma kumdululuza kwinaku mateche akuvumba. Pamenepa, naye neba uja anathyola chindodo n’kumuthyapula nacho zomwe akuti zinachititsa mtsikana wosokoneza uja kuwataya mawu ngati khanda lofuna kuyamwa,kwinaku akupepesa kuti amangofuna kusereula.Padakali pano mtsikanayo akuyenda zyoli zyoli ngati mwanapiye onyowa.

22
May

18/05/19

Written by
Published in Nkhani Zam'maboma
Read 1191 times

Mtsikana wina kwa M’biza m’boma la Zomba amuthidzimula moleketsa kaamba kaukazitape. Nkhaniyi yati mtsikanayi yemwe ali n’chizolowezi choyambanitsa anthu anapita kwa mayi wina mmudzi mwawomo n’kukamuuza kuti waona mwamuna wa mayiyo akupatsa ndalama mtsikana wina osakwatiwa wammudzi momomwe. Poti amamudziwa bwino zakhalidwe lake,mwini mwamuna uja sanatekeseke koma kumvetsera mwachidwi chabodza poti mwamuna wokambidwayo n’kuti atapita mu mzinda wina wakutali kwambiri kukagwira ntchito.Atamaliza kufotokoza nkhani yopekayo mtsikana uja anadabwa kuti mwini mwamunayo sakufunsa komwe angapeze anthu onamiziridwawa koma m’malo mwake anazungulira kuseri n’kukaitana aneba ake.Aneba aja atafika, mtsikana wamlomo wopotokayo anayambanso kuyala nkhani ija ndipo izi zinakwiitsa kwambiri mwini mwamuna uja yemwe sanachedwe koma kumdululuza kwinaku mateche akuvumba. Pamenepa, naye neba uja anathyola chindodo n’kumuthyapula nacho zomwe akuti zinachititsa mtsikana wosokoneza uja kuwataya mawu ngati khanda lofuna kuyamwa,kwinaku akupepesa kuti amangofuna kusereula.Padakali pano mtsikanayo akuyenda zyoli zyoli ngati mwanapiye onyowa.

22
May

18/05/19

Written by
Published in Nkhani Zam'maboma
Read 1032 times

Mkulu wina kwa Simon ku Dedza wadabwitsa wanthu atakaniza chakudya amfumu am’mudzimo paukwati wa mwana wake.Yemwe watumiza nkhaniyi wati, bambo wina yemwe mwana wake anapeza mwayi wabanja anachititsa ukwati ndipo monga mwa mwambo anthu ammudzimo anabwera kuti adzasangalale ndikukhwasula. Koma akuti zinadabwitsa wanthu bambo wa namwaliyo atatulukira kunyumba yomwe kumachitikira mwambo mwamavuvu kwinaku akuyankhula moopseza kuti amfumu ammudzimo asapatsidwe chakudya ati poti adamumana mowa tsiku lomwe iye adalibe ndalama.Anthu ena amaona ngati mkuluyu akuchita macheza poti inali nthawi yachisangalalo,ndipo palibe yemwe anamumvera. Koma anthuwo anadabwa poona bambo uja akulanda zakudya zomwe amayiwo anakonzera mfumu ya mmudzimo diso lili pamtunda.Posafuna kukangana naye,amayi aja anamulekera mbalezo zomwe zinachititsa anthu ena,kuphatikizapo mfumuyo kufutuka pamalopo. Anthu ena akuganiza kuti bamboyu anachitita izi kaamba kolodzera ndipo ena akumumvera chisoni kuti mwina mfumuyo,ikhoza kumuchotsa mmudzi mwake.

22
May

18/05/19

Written by
Published in Nkhani Zam'maboma
Read 1040 times

Mayi wina kwa Khongoni ku Lilongwe wadabwitsa mikoko yogona atalanda chofunda agogo ake omwe akudwala kwambiri. Nkhaniyi yati mayiyu yemwe agogo ake apunthika kwamiyezi ingapo tsopano, anapita kunyumba kwa agogo akewo kuti akatenge bulangete lomwe agogo akewo akhala akufunda chiyambireni kudwala.Iyeyo akuti wachita izi ati kuchitira kuti agogo akewo asafe akufunda bulangetelo lomwe akuti amalifuna kwambiri.Mayi wodabwitsayi atalowa mnyumba momwe agogo ake akuganomoyo anauza amayi omwe amadwazika matendawo kuti akufuna atengepo chofundacho chifukwa ndichamtengo wapatali.Amayi ena anamkokera kukhonde kuti amudzudzule koma iyeyo anakanitsitsa kuti sangaimve chifukwa gombezalo ndi la Joni.

Page 5 of 155

About us

Malawi Broadcasting Corporation is a public broadcaster mandated and formed by Government under an Act of Parliament in 1964, to enhance the successful implementation of all its social and economic programs...

Social Media

Catch us on these social networks for more information

Facebook Twitter RSS

Get Your Newsletter